"పాత్ర-యాత్ర"

అంతా ముగిసింది
నిన్నటి వరకు అందుకోవాలనే లక్ష్యాలు
నేటి నుంచి అదుపులో లేని భయాలు
నిన్నటి తలపు, నవ్వుల వలపు
ఒక్క చీకటి మలుపుతో ముగిసాయి
నిన్న రాత్రి చీకటి జీవితమంతా కమ్మేసింది
తన గుండె నొప్పి, నా గుండెకు కోత మిగిల్చింది
తను విడిచిన తుది శ్వాస, నేను మునిగిన పెను తూఫానయ్యింది.
ఒంటిపైన తెలుపు నా జీవితంలో నలుపుకు నిదర్శనం అయ్యింది
మా లోగిలిలో పూసిన పూలకు రక్షణ పోయింది
తెగిన బంధం కదిలే కాళ్ళకు కదలనివ్వని బంధనం అయ్యింది

నిన్నటి వరకు అన్ని నచ్చిన పాత్రలే
ఒక బిడ్డగ, ఒక అక్కగ, ఒక చెల్లిగ,
ఒక భార్యగ, ఒక కోడలిగ, ఒక తల్లిగ
నేటి నుచి కొత్త పాత్ర,
కాదు మిగిలిన పాత్ర,
కన్నీళ్ళతో కడవరకు యాత్ర
ఒక వితంతువుగా
ఈ పాత్ర నేను పోషించగలనా??
ఈ పాత్ర నన్ను పోషించగలదా??